ஒரே மொபைலில் இரண்டு வாட்ஸ்அப் கணக்குகள்

நாம் பயன்படுத்தும் அனைத்து மொபைல் போன்களுமே தற்போது இரண்டு சிம் வசதிகளுடன் தான் இருக்கிறது. ஆனால் அதில் பயன்படுத்தும் அப்ளிகேஷன் கணக்குகள் ஒன்று மட்டுமே பயன்படுத்த முடியும்..
இரண்டு வாட்ஸ்அப் கணக்குகள் Click this link more details  http://ceesty.com/wKuhkE

Read More

செல்லோ டேப்!

பரிசுப் பொருட்களை அழகாக பேக்கிங் செய்யணுமா? கடித உறைகளை ஒட்டணுமா? படங்களை சுவரில் ஒட்டணுமா? இல்லை, குழந்தைகளின் கிழிந்துபோன நோட்டுப் புத்தகத்தை ஒட்டணுமா? எல்லாவற்றுக்கும் நாம் தேடும் ஒரே ஒரு பொருள் செல்லோ டேப்! அதுமட்டுமல்ல, டெக்ஸ்டைல்ஸ், தோல் பொருட்கள், ஹார்டுவேர் போன்ற பல்வேறு துறைகளிலும் இந்த செல்லோ டேப் மிக முக்கியமான பொருளாகப் பயன்படுகிறது. அவ்வளவு தேவை மிகுந்த பொருளான செல்லோ டேப் தயாரிப்பது குறித்துதான் இந்த வாரம் நாம் பார்க்கப்போகிறோம்...

சந்தை வாய்ப்பு!

ஸ்டேஷனரி கடைகள், ஃபேன்ஸி ஸ்டோர்கள் என சில்லறை கடைகளிலும் பெரிய பெரிய தொழிற்சாலைகளிலும் இந்த செல்லோ டேப்புகளை விற்பனை செய்ய முடியும். செல்லோ டேப் பிஸினஸ் ஒவ்வொரு ஆண்டும் 15% வளர்ச்சி காண்கிறது. தொழிற்துறை வளர்ச்சி காரணமாக இத்தொழிலுக்கு உருவாகி இருக்கும் சந்தை வாய்ப்பும் அதிகம். எனவே, 

திதாக இத்தொழிலில் இறங்குகிறவர்களுக்கு நல்ல வாய்ப்பாக அமையும்.

முதலீடு!

குறைந்தபட்சம் 8 லட்சம் ரூபாய் முதல், கோடிக் கணக்கில் இதில் முதலீடு செய்யலாம். ஆண்டுக்கு 2.70 லட்சம் மீட்டர் செல்லோ டேப் தயாரிக்க சுமார் 18 லட்சம் முதலீடு தேவை.  

ஃபோர்ம் டேப் கிரேடு ஃபிலிம், அடிசிவ். இந்த இரண்டும்தான் முக்கிய மூலப் பொருட்கள். போட்டோ ஃபிலிம் போல இருக்கிறது இந்த ஃபோர்ம் டேப் கிரேடு ஃபிலிம். அப்படியே ரோல் ரோலாகக் கிடைக்கிறது. இந்த மூலப் பொருள் போபால் மற்றும் சென்னையிலும் கிடைக்கிறது. மேலும், அடிசிவ் என்பது பசை. முன்னணி நிறுவனங்கள் தயாரிக்கும் இதை அப்படியே விலைக்கு வாங்கிக் கொள்ளலாம்

யந்திரங்களைப் பொறுத்து வதற்கு, தயார் செய்த செல்லோ டேப்களை ஸ்டோர் செய்து வைப்பதற்கு என 1,500 முதல் 4,000 சதுரடி வரை இடம் தேவைப்படும். சொந்தமாகவோ, வாடகைக்கோ எடுத்து இந்த பிஸினஸைத் தொடங்கலாம்.

இயந்திரம்!

கோட்டிங் இயந்திரம், ஸ்லைட்டிங் (Slitting) மற்றும் ஸ்லைசிங் (sliving) இயந்திரம். இந்த மூன்றும்தான் முக்கிய இயந்திரங்கள். இவை இருந்தாலே செல்லோ டேப் தயாரிப்பு யூனிட்டை தொடங்கிவிடலாம். மேலும், கூடுதலாக கலர் பிரின்டிங் இயந்திரம் செல்லோ டேப்பில் எழுத்துக்கள் அச்சிட பயன்படுகிறது. கோட்டிங், ஸ்லைட்டிங் மற்றும் ஸ்லைசிங் இயந்திரம் இவை மூன்றும் எட்டு லட்ச ரூபாய்க்குள் வாங்கிவிட முடியும். அதற்கு அதிகமான விலையிலும் இயந்திரங்கள் கிடைக்கின்றன. இயந்திரங்கள் அனைத்தும் சென்னை மற்றும் புதுச்சேரியில் கிடைக்கிறது.

தயாரிப்பு முறை!

மூலப் பொருட்களான அடிசிவ் எனப்படும் பசையை டேப் கிரேடு ஃபிலிம் ரோலில் கோட்டிங் இயந்திரத்தின் மூலம் கோட்டிங் செய்ய வேண்டும். இந்த பசை ஈரப்பதத்துடன் இருப்பதால் அதனை பாய்லரில் 140 டிகிரி சென்டிகிரேட் வெப்பநிலையில் சூடுபடுத்தினால், செல்லோ டேப்பாக வந்துவிடுகிறது. காட்டன், நைலான், பிளாஸ்டிக் என பல வகையிலும் இந்த செல்லோ டேப்பைத் தயாரிக்கலாம். செல்லோ டேப் தயாரான பிறகு இதனை ஸ்லைசிங் இயந்திரத்தின் மூலம் வாடிக்கையாளர்கள் கேட்கும் அளவுகளில் 5, 12, 15 மில்லி மீட்டர் என்கிற அளவுகளில் 'கட்’ செய்து கொடுத்துவிடலாம்.

மேலும், செல்லோ டேப்பில் ஏதேனும் வாசகம் பிரின்ட் செய்ய வேண்டும் எனில் கலர் பிரின்டிங் இயந்திரத்தின் மூலம் பிரின்ட் செய்து கொள்ள முடியும். 12,000 மீட்டர் டேப் கிரேடு ஃபிலிம்மில் 20,000 மீட்டர் செல்லோ டேப் தயாரிக்கலாம்.

வேலையாட்கள்!

திறமையான வேலை யாட்கள்-3, சாதாரண வேலையாட்கள்-5, மேனேஜர்-1, சூப்பர்வைஸர்-1, விற்பனை யாளர்- 2, மற்றவர்கள்-2 என மொத்தம் 14 நபர்கள் தேவைப்படுவார்கள்.

பிளஸ்!

பேக்கிங் செய்வது அனைத்து விதமான தொழில் களுக்கும் இன்றியமையாத விஷயம். எனவே, இதற்கான தேவை எப்போதும் இருந்து கொண்டே இருக்கும். தவிர, அதிக அளவிலான தயாரிப்பாளர்கள் கிடையாது என்பது கூடுதல் பலன்.

மைனஸ்!

மூலப் பொருட்களின் விலை தினமும் ஏற்ற இறக்கத்துடன் இருக்கும். தவிர, வாங்கும்போது ஒரு விலை, வாங்கிய பிறகு வேறொரு விலை என அதிகரிக்கவும் வாய்ப்புண்டு. இதற்கு தகுந்தாற்போல் விலையை நிர்ணயித்துக் கொள்ள வேண்டும்.

பலருக்கும் தெரியவராத தொழில் இது. போட்டிகள் அதிகம் இல்லாத தொழில் என்பது கூடுதல் சிறப்பு. ஆரம்பத்திலேயே இத்தொழிலில் இறங்கினால், நிச்சயம் ஜெயிக்கலாம்.

''தோதான விலையில் தந்தால் தோல்வி இல்லை!'' ''இந்த நிறுவனம் எனது அப்பா ஆரம்பித்தது. எனது படிப்பு முடிந்ததும் நான் இந்த தொழிலைப் பார்க்க ஆரம்பித்துவிட்டேன். செல்லோ டேப்பை வெறும் ஒட்ட வைப்பதற்கான ஒரு பொருள் என்றுதான் பலரும் நினைக்கிறார்கள். இதில் காட்டன், நைலான், லெதர் என பல வகைகளில் தயாரிக்கப்படுகிறது. ஷூ-வில் அடிப்புற லேயராகவும், பைகள் மற்றும் பர்ஸ் வகைகளில் ஃபினிஷிங் வேலைகளைச் செய்யவும் பயன்படுகிறது. குறைந்தபட்ச முதலீடாக எட்டு லட்சம் ரூபாய் இருந்தாலே இந்த தொழிலை ஆரம்பித்துவிடலாம். நாங்கள் ஆண்டுக்கு 60 லட்சம் மீட்டர் செல்லோ டேப் தயாரிக்கிறோம். மூலப் பொருள் விலை மாற்றம் இத்தொழிலில் இருக்கும் பெரிய சிரமம். ஆனால், அதை சரியான முறையில் கணித்து வாடிக்கையாளருக்கு தோதான விலையில் கொடுத்தால், என்றும் நம்மை தேடிதான் வருவார்கள். தயாராகும் பொருட்களை டீலர்கள் மூலம் விற்பனை செய்யலாம். இல்லையெனில் நேரடியாகவும் ஆர்டர் எடுத்து செய்யலாம்.''

Read More

குடிசைத்தொழிலாக நூடுல்ஸ் தயாரித்து நிறைந்த லாபம் பார்க்கலாம்’ | noodles thayarippu

குடிசைத்தொழிலாக நூடுல்ஸ் தயாரித்து நிறைந்த லாபம் பார்க்கலாம்’
சொந்தமாக தொழில் தொடங்க ஆசையா? , இதோ உங்களுக்கென ஒரு சிறு தொழில் டிப்ஸ்..

நூடுல்ஸ் என்றால் குழந்தைகளுக்கு கொள்ளை பிரியம். பெரியவர்களும் வெளுத்துக்கட்டுகின்றனர். இதனால், நூடுல்ஸ் தயாரிப்பு மற்றும் விற்பனை அதிகரித்து வருகிறது. 'குடிசைத்தொழிலாக நூடுல்ஸ் தயாரித்து நிறைந்த லாபம் பார்க்கலாம்’ என்று கூறுகிறார் கோவை அஜ்ஜனூரை சேர்ந்த பூமாலை. அவர் கூறியதாவது: சொந்த ஊர் ஊட்டி. மதுரை காமராஜர் பல்கலையில் எம்ஏ பொது நிர்வாகவியல் படித்துள் ளேன். திருமணமான பின், கண வர் மற்றும் குழந்தைகளுடன் வசிக்கிறேன். சிறுவயது முதலே  சுய தொழில் செய்து சாதிக்க வேண்டும் என்று ஆசை.
குடிசைத்தொழிலாக நூடுல்ஸ் தயாரித்து நிறைந்த லாபம் பார்க்கலாம். சிறு தொழில் 1: நூடுல்ஸ் தயாரிப்பு தொழில் விவரங்கள்

பெரும்பாலானோர் விரும்பும் நூடுல்ஸ் தயாரிக்க முடிவெடுத்தேன். கோவை வேளாண் பல்கலையில் நூடுல்ஸ் தயாரிப்பு பயிற்சி அளிப்பதை அறிந்து அங்கு ஒரு மாதம் பயற்சி பெற்றேன். பின்னர் இத்தொழிலில் ஈடுபட்டேன். கடந்த 10 ஆண்டுகளாக நூடுல்ஸ் தயாரித்து விற்கிறேன். தினமும் 200 கிராம் கொண்ட 600 பாக்கெட்களை பல்வேறு பிராண்ட் நிறுவனங்களுக்கு விற்கி றேன். அதை வாங் கும் நிறுவனங்கள் தங் கள் நிறுவன பெயரில் விற்கின்றனர்.

சோயா, கம்பு, தக்காளி, கீரை, ராகி என பல்வேறு வகை நூடுல்ஸ்கள் தயாரிக்கிறேன். புதிய சுவைகளிலும் தயாரிக்க திட்டமிட்டுள்ளேன். புதுப்புது வகைகளை அறிமுகப்படுத்துவதால் ஆர்டர்கள் குவிகின்றன. குறைந்த முதலீட்டில் குடிசைத் தொழிலாக யார் வேண்டுமானாலும் நூடுல்ஸ் தயாரித்து, தங்கள் பகுதியில் விற்பனை செய்து லாபம் சம்பாதிக்கலாம்.

நூடுல்ஸ் தயாரிப்பது எப்படி?

பெரிய பாத்திரத்தில் 40 கிலோ மைதா, 30 கிலோ கோதுமை மாவு, 7 லிட்டர் தண்ணீர் ஊற்றி புரோட்டா மாவு பதத்தில் பிசைய வேண்டும். மாவை பதப்படுத்தும் இயந்திரத்தில் போட்டால், சன்னமாக தேய்த்து, ரோல் செய்யும். அதை அதே இயந்திரத்தில் பொருத்தினால், தேய்க்கப்பட்ட மாவு வெட்டப்பட்டு நூல், நூலாக வெளியேறும்.  அதைக் கம்பியில் தொங்க விட்டு, வேக வைக்கும் பாய்லருக்குள் வைத்தால், 40 முதல் 50 நிமிடம் வேகும். அவற்றை தேவையான அளவுகளில் எடை போட்டு, டிரேயில் வைத்து வெயிலில் ஒருநாள் உலர்த்த வேண்டும்.

பின்னர், அவற்றை பேக்கிங் செய்தால் நூடுல்ஸ் தயார். பேக்கிங் பாக்கெட்டுக்குள், நூடுல்ஸ் சமைக்கும் போது சுவையூட்டும் மசாலா பொடி பாக்கெட்டும் இணைக்க வேண்டும். கம்பு, ராகி, தக்காளி நூடுல்ஸ் போன்றவை தயாரிக்கவும் இதே முறை தான். சோயா நூடுல்ஸ் தயாரிக்க மைதா, கோதுமை அளவுகளுடன் கூடுதலாக 30 கிலோ சோயா மாவு, 3 லிட்டர் தண்ணீர் சேர்த்து பிசைய வேண்டும்.

கம்பு, ராகி நூடுல்ஸ் தயாரிக்க மைதா, கோதுமையுடன் 30 கிலோ கம்பு அல்லது ராகி சேர்க்க வேண்டும். தக்காளி நூடுல்ஸ் தயாரிக்க மைதா, கோதுமையுடன் தக்காளி சாறு குறிப்பிட்ட அளவில் சேர்த்து பிசைய வேண்டும். தக்காளிகளை அவ்வப்போது வாங்கி தோல் நீக்கி, சாறு பிழிந்து பயன்படுத்த வேண்டும்.

கிடைக்கும் இடம்

மாவை பதப்படுத்தி, வெட்டும் இயந்திரம், வேக வைக்கும் பாய்லர் இயந்திரம், உலர்த்தும் டிரையர் ஆகியன வேளாண் பல்கலையின் வணிக மேம்பாட்டு மையம் மூலம் கிடைக்கும். கோவை உள்ளிட்ட முக்கிய நகரங்களில் உள்ள தொழிற்சாலைகளில் வடிவமைத்து நேரிலும் வாங்கலாம்.

தளவாட சாமான்களான எடை போடும் கருவி, பேக்கிங் கவர், பேக்கிங் சீல் மெஷின், கத்தரிக்கோல் ஆகியவை எல்லா இடங்களிலும் கிடைக்கிறது. கோதுமை, மைதா, சோயா, கம்பு, ராகி ஆகியவற்றை மொத்த கடைகளில் மாவாக அல்லது விவசாயிகளிடம் நேரடி யாக கொள்முதல் செய்து அரவை மில்லில் அரைத்து கொள்ளலாம்.

முதலீடு

பதப்படுத்தும் இயந்திரம் ரூ. 1.9 லட்சம், வேகவைக்கும் பாய்லர் இயந்திரம் ரூ.1 லட்சம், 50 கிலோ நூடுல்ஸ் வைக்கும் உலர்த்தும் டிரே 25 எண்ணிக்கை ரூ. 25 ஆயிரம். மற்ற தளவாட சாமான்கள் ரூ. 15 ஆயிரம்.

கட்டமைப்பு 

இயந்திரங்களை நிறுவ, பொருட்களை  இருப்பு வைக்க, ட்ரேயில் அடுக்க, பேக்கிங் செய்ய, மற்றும் அலுவலகத்திற்கு 25க்கு 25அடி நீள, அகலமுள்ள இடம். வாடகை இடமாக இருந்தால் அட்வான்ஸ் ரூ. 20 ஆயிரம்.

உற்பத்தி செலவு 

ஒரு நாளில் 200 கிராம் கொண்ட 600 பாக்கெட்கள் வீதம் (120 கி) 25 நாளில் 15 ஆயிரம் பாக்கெட்கள் (3 ஆயிரம் கிலோ) தயாரிக்கலாம். கோதுமை, மைதா உள்ளிட்ட மாவுப்பொருள்கள், 4 ஊழியர்கள் சம்பளம் (ரூ. 20 ஆயிரம்), மின்கட்டணம் (ரூ. 7 ஆயிரம்), இட வாடகை (ரூ. 2 ஆயிரம்), போக்குவரத்து செலவு (ரூ. 3 ஆயிரம்) என ரூ. 1.50 லட்சம் ஆகும். தொழில் துவங்க துவக்கத்தில் முதலீடு, கட்டமைப்பு மற்றும் உற்பத்திக்கு ரூ. 5 லட்சம் போதும்.

வருவாய்

15 சதவீதம் லாபத்திற்கேற்ப விலை நிர்ணயித்து தனியார் நிறுவனங்களுக்கு விற்பதால் மாதம் ரூ. 22,500 லாபம் கிடைக்கும். சில்லரை விற்பனை நிலையங்களுக்கு நேரடியாக விற்பனை செய்தால்  லாபம் அதிகரிக்கும்.

சந்தை வாய்ப்பு 

அவசர, அத்தியாவசிய உணவு தயாரிப்புக்கு நூடுல்ஸ் தேவை அதிகமாகி வருகிறது.  மணம், சுவை, தரம் ஆகியவற்றை தவறாமல் கடைப்பிடித்தால்  தொடர்ந்து நல்ல லாபம் சம்பாதிக்கலாம். சில்லரை, மொத்த வியாபார பலசரக்கு கடைகள், டிபார்ட் மென்ட் ஸ்டோர்கள், பிராண்டட் நிறுவனங்கள் நூடுல்ஸ் வாங்கள் தயாராக இருக்கின்றன.

இது பல இணையத்தளங்களிலிருந்து சேகரிக்கப்பட்ட பதிவு...
சிறு தொழில் 3: நூடுல்ஸ் தயாரிப்பு தொழில் விவரங்கள்

noodles thayarippu

Read More

பெண்களுக்கு மாதம் ரூ.30 ஆயிரம் வருமானம் ஈட்டித் தரும் கிரிஸ்டல் நகை தயாரிப்பு

பெண்களுக்கு வருமான வாய்ப்பு

சமீப காலமாக கிரிஸ்டல் நகைகளை அணிவதில் பெண்கள் ஆர்வம் காட்டி வருகின்றனர். இதற்கு முக்கிய காரணம் உண்டு. செயின் பறிப்பு சம்பவங்களின் அதிகரிப்பு, அதிக விலை கொண்ட தங்க நகைகள் இவற்றால் நடுத்தர வர்க்க குடும்ப பெண்கள் தங்க நகைகளின் மீது ஆர்வம் காட்டுவதில்லை. தங்க நகையின் இடத்தை, கிரிஸ்டல் நகைகள் பெற்றுள்ளது.

கிரிஸ்டல் நகைகளின் விலை குறைவு. அதேவேளையில் பார்ப்பதற்கு ஆடம்பரமாக வும், அழகாகவும் காட்சியளிக்கும். பள்ளி, கல்லூரி மாணவிகள், இளம்பெண்கள் போன்றோர் மத்தியில் கிரிஸ்டல் நகைகள் பிரபலமடைந்து வருகின்றன.


இந்த கிரிஸ்டல் நகையை பெண்கள் வீட்டில் இருந்தபடி செய்து வருமானம் ஈட்டலாம். இத்தொழிலில் நல்ல லாபம் கிடைக்கும். விலை மிக குறைவாக இருப்பதால் பல பெண்கள் ஆர்வத்தோடு இந்நகையை வாங்குகின்றனர்.
பள்ளி, கல்லூரி மாணவிகள் அவரவர் உடைக்கேற்ப மேட்சிங்காக அணிய, பல்வேறு வண்ணங்களில் கிரிஸ்டல் நகைகளுக்கு ஆர்டர் கொடுக்கின்றனர். இத்தொழிலை செய்வதற்கு பெரியளவில் பயிற்சி எதுவும் தேவையில்லை.
ஒரு நபர் ஒரு நாளில் 8 மணி நேரத்தில் சிறிய அளவு கிரிஸ்டல் நகையை 50 எண்ணிக்கை வரை தயாரிக்க முடியும். நடுத்தர அளவு என்றால் 15, பெரிய அளவு என்றால் 20 எண்ணிக்கை வரை தயாரிக்க முடியும். சிறிய அளவு நகைக்கு ரூ.90 முதல் ரூ.110 வரை செலவாகும். நடுத்த அளவுக்கு ரூ.150 முதல் ரூ.160 வரையும், பெரிய அளவுக்கு ரூ.200ம் செலவாகும். சிறிய அளவிலான 50 கிரிஸ்டல் நகை கள் தயாரிக்க உற்பத்தி செலவு ரூ.5,500. நடுத்தர அளவு 15 நகை தயாரிக்க ரூ.2,600, பெரிய அளவு 20 நகை தயாரிக்க ரூ.4,000 தேவைப்படும். அனை த்து வகைகளையும் கலந்து தயாரிக்க சராசரியாக ரூ.5 ஆயிரம் போதும்.

ஒரு நாள் உற்பத்தியாகும் ரூ.5 ஆயிரம் மதிப்பிலான கிரிஸ்டல் நகைகளை குறைந்தபட்சம் 30 சதவீதம் கூடுதல் விலை வைத்து விற்க முடியும். இதன் மூலம் ஒரு நாள் வருவாய் ரூ.6,500. இதில் லாபம் ரூ.1,500. இதை உழைப்பு கூலியாகவும் எடுத்து கொள்ளலாம். கூட்டாக சேர்ந்து தயாரித்தால் லாபம் இரு மடங்காக அதிகரிக்கும்.


ஒரு நாள் தயாரித்ததை விற்ற பின், அதில் கிடைக்கும் வருவாயை கொண்டு அடுத்த உற்பத்தியை தொடங்கலாம். இது வீட்டில் இருந்தவாறு தொழில் செய்பவர்களுக்கு பொருந்தும். விற்பனை அளவுக்குகேற்ப உற்பத்தியை அதிகரித்தால், வருவாய் கூடும்.
தயாரிப்பது எப்படி?


கிரிஸ்டல் நகை தயாரிப்பு என்பது தங்க, வெள்ளி நகைகளை போல் உருக்கி, தட்டி செய்வதல்ல. ரெடிமேடாக உள்ள பல வண்ண கிரிஸ்டல் மற்றும் இணைப்பு பொருட்களான சக்கரியா, பால் ஆகியவற்றை சேர்த்து கோர்ப்பதுதான் கிரிஸ்டல் நகை.


முதலில் கிரிஸ்டல் வயர் கம்பியை கட் டரை கொண்டு தேவையான அளவுகளில் வெட்டி கொள்ள வேண்டும். 2 பேர் கூட்டாக செய்தால், முதலில் டாலரை கோர்த்து நடுவில் தொங்கவிட்டு, இரு முனைகளில் ஒரு பால், ஒரு சக்கரியா, ஒரு கிரிஸ்டல் கல் ஆகியவற்றை வரிசைப்படி கோர்க்க வேண்டும். அதே பாணியில் தொடர்ந்து கோர்த்து வர வேண்டும்.
இவ்வாறு இருபுறமும் கோர்த்து முடிக்கும் இடத்தில் கியர் லாக்கை கோர்த்து கட்டிங் பிளேயர் மூலம் முடிச்சு போட வேண்டும். இங்கு ஊக்கு, காந்தம் அல்லது ஸ்க்ரூ பொருத்தினால் கிரிஸ்டல் நகை ரெடி.
தேவையான பொருட்கள்:

இளம் மற்றும் அடர்த்தியான பல வண்ண கிரிஸ்டல் சிறியது முதல் பெரியது வரையில் 2, 4, 6, 8, 10, 12, 14, 16, 18 ஆகிய எண்களில் கிடைக்கும். எண் 2 கிரிஸ்டல் 90 எண்ணிக்கையுள்ள ஒரு ரோல் ரூ.65.
எண் 4 ரூ.75, எண் 6 ரூ.95, எண் 8 முதல் 18 வரை ரூ.100. சக்கரியா 100 எண்ணிக்கையுள்ள ஒரு ரோல் ரூ.52, கோல்டு பால் 100 எண்ணிக்கையுள்ள ஒரு ரோல் ரூ.19. கியர் வயர், கோல்டு மற்றும் சில்வர் வண்ணங்களில் கிடைக்கும்.

100 மீட்டர் கொண்ட ஒரு ரோல் ரூ.65. கியர் லாக் 100 எண்ணிக்கையுள்ள ஒரு பாக்கெட் ரூ.52. ஊக்கு ஒரு செட் ரூ.7, காந்த ஊக்கு ஒன்று ரூ.10, ஸ்க்ரூ செட் ரூ.7 முதல் ரூ.10. கட்டர், பிளேயர் ஆகியவை தலா ரூ.100. நகரங்களில் உள்ள பேன்சி ஸ்டோர்களில் இந்த பொருட்கள் கிடைக்கின்றன.

எனவே சுயதொழில் செய்ய நினைக்கும் பெண்கள் கிரிஸ்டல் நகையை வீட்டிலேயே செய்து நல்ல வருமானம் ஈட்டலாம். இந்த நகையை தயாரிப்பது குறித்த பயிற்சியை சில சுய தொழில் பயிற்சி நிறுவனகளும் வழங்குகின்றன.
இப்பயிற்சி மையங்களில் விதவிதமான டிசைன்களில் கிறிஸ்டல் நகைகளை செய்ய பயிற்சி தருகின்றன. வருமானம் ஈட்ட நினைக்கும் பெண்கள் இந்த பயிற்சி மையங்களில் பயிற்சி பெற்று கிறிஸ்டல் நகை தயாரிப்பில் ஈடுபடலாம்

Read More

பணத்தை கொட்டும் ஆன் லயின் வேலைகள் (online jobs )

ஆன் லைனில் கொட்டி கிடைக்கும் தொழில் வாய்ப்பு

வெளி நாட்டு ஆன் லயின் ஜாப் கம்பெனி கள் இந்தியர்களுக்கு மட்டும் 2015ல் ரூ 20420 கோடி தந்துள்ளது ..இதற்க்கு சில சான்றாக ஆன் லைனில் கிடைக்கும் வாய்ப்புகளில் சில வற்றை பார்ப்போம்

PTBC - Paid to blog creations

நிறுவனங்கள் தங்களது பொருள் மற்றும் சர்வீஸ் offer விளம்பரங்களை போட்டிருப்பார்கள் ..அதற்க்கு வெப்சைட் களான blogger ,wordpress ஓபன் செய்து இதை அதில் போட வேண்டும் ..இதற்கு உங்களை நன்றாக

கவனிப்பார்கள்

P T C - Paid to click

உங்கள் ஈமெயில் லில் முகவரி மூலம் ரிஜிஸ்டர் செய்து போனால் தினமும் விளம்பரம் போடுவார் .அதை

கிளிக் செய்து ஒரு செகண்ட் பார்க்கணும் அவ்வளவு தான் உங்கள் வேலை ..நம்மை ரிஜிஸ்டர் செய்தவர்கள்

எண்ணிக்கையை காட்டி நிறுவனங்களிடம் விளம்பரம் வாங்கி 10% தான் எடுத்து கொண்டு பணத்தை விளம்பரம் பார்ப்பவர்களுக்கு பிரித்து கொடுத்து விடுவார்கள் .ஒரு வெப்சைட்டில் மொத்தமே 10 நிஸ்மிஷத்திற்குள் வேலை முடிந்து விடும் .தினமும் விளம்பரங்கள் வந்து கொண்டிருக்கும்

P T C - Paid to sign up

இந்த வெப்சைட் களில் பல நிறுவங்களிடம் பேசி அவர்களது வெப்சைட் வைத்திருப்பர் .எந்த நிறுவனமும்

தங்களின் website களில் ஏராளமானபேர் ரிஜிஸ்டர் ஆக வேண்டும் என்று விரும்புவார்கள் .நாம் இந்த வெப்சைட் களில் சைன் அப் செய்து ரிஜிஸ்டர் ஆக வேண்டும் அவ்வளவு தான் வேலை .இதற்க்கு பணம் வரும்

PT C

இது paid to survey இந்த மாதிரி survey website களில் உங்கள் பெயர் ,உங்கள் படிப்பு ,உங்கள் பிடித்த உடை

உங்களுக்கு பிடித்த உணவு email என கேட்பர் .இதை fill செய்தால் நம் கணக்கில் பணம் வரும் .உங்களிடம்

சர்வே வாங்கிய கம்பெனிகள் உங்களது உணவு மற்றும் உடை விஷயத்தை விற்று மற்ற கார்ப்பொரேட் கம்பெனி களிடம் விற்று காசு வாங்கி விடும்

PTA P - paid to add posting

அதாவது நிறுவனங்கள் தங்களது விளம்பரத்தை உங்களிடம் தருவார்கள் ..நீங்கள் சமூக வலைத்தளங்களில் (Facebook ,Twiter ) போன்றவற்றில் போஸ்ட் செய்ய வேண்டும் .அதற்க்கு நன்றாக கவனிப்பார்கள்

Paid to copy paste

நிறுவனங்களின் வெப்சைட் களில் உள்ள முக்கிய விஷயங்களை நீங்கள் copy செய்து மேற்குறியதை போன்று

சமூக வலைத்தளங்களில் போட வேண்டும் ..இதற்க்கு உங்கள் கணக்கில் பணம் வந்து சேரும்

Paid to captcha work

நீங்கள் ஈமெயில் தவறாக type செய்தால் கீழே ஒரு box open ஆகி கீழே உள்ள எழுத்தை இந்த boxil type செய்யுங்கள் என்று வருமே .அப்படி வரும் எழுத்து தான் captcha..இது ஈமெயில் லில் மட்டுமல்ல பல இடங்களில்

பார்த்திருப்பீர்கள் இந்த எழுத்தை நீங்களே type செய்து ஏற்ற வேண்டும்

PTLG - Paid to lead genaration

நிறுவனங்கள் தங்கள் பொருள்களை ad செய்திருப்பார்கள் .அந்த பொருள்களை வாங்கக்கூடிய அல்லது விருப்பம் தெரிவிக்க கூடிய நபர் உங்களுக்கு தெரிந்திருந்தால் அதை அந்த நிறுவனங்களுக்கு தெரிவிக்கவேண்டும் அதற்க்கு பணம் தருவார்கள்

PTAM -Paid to appoinment making

நிறுவனங்கள் தங்கள் பெயருக்குடையவரின் data base தரும் .நீங்கள் அவர்களிடம் பேசி யார் விரும்புகிறார்களோ அவர்களது appoinment வாங்கி நிறுவனங்களுக்கு தர வேண்டும் ..வேலை முடிந்தது பணம்

வந்து விடும்

PTSP -paid to sales promotion

நிறுவனங்கள் தங்கள் பொருட்களை பற்றிய விவரமும் ,appoinment விவரமும் வைத்திருக்கும் நீங்கள் appoinment

தந்தவரிடம் போய் பொருட்களை பற்றி கூறினால் போதும் .sales முடிந்தாலும் முடியாவிட்டாலும் உங்களுக்கு காசு உண்டு

PAM - paid to affliate marketing

நீங்கள் இலவச வெப்சைட்களான blogger ,word press ஓபன் செய்து flipkart snapdeal amazon ஆகிய வெப்சைட் களின் link எடுத்து இதில் போட்டு உங்கள் வெப்சைட் மூலம் சேல்ஸ் நடந்தால் போதும் .நன்றாக சம்பாதிக்கலாம்

PT F - Paid to facebook

பல பேர் தங்கள் facebook இற்கு அதிகம் லைக் ஷேர் விரும்புவார்கள் அவர்களை இதற்கென உள்ள வெப்சைட் அணுகி பணம் பெற்று அவர்களிடம் பதிவு செய்திருந்த நம் facebook ற்கு அவர்களது F B யை அனுப்புவார்கள் .நாம் லைக் அல்லது ஷேர் அவர்கள் சொன்ன படி செய்யணும் .அவர்களது எல்லா status க்கும் நல்ல பணம்

வாங்கப்பட்ட ஸ்டேட்டஸ் மட்டுமே வரும் .பணமும் வந்து விடும்

PTLM - Paid to listening music

பல பணக்காரர்கள் இசை கம்பெனிகள் தங்கள் இசையை மற்றவர் கேட்ட்க ஆசை படுவார்கள் .இதற்கென உள்ள வெப்சைட் களை அணுகி பணம் தருவார் .நாம் அந்த வெபிசிடிகளில் பதிவு செய்திருந்தால் ஓரிரு

நிமிட மியூசிக் வரும் நம் அதை கேட்க வேண்டும் அவ்வளவுதான் அதற்க்கு பணம் உண்டு ..

PTCW - paid to content wrighting

நிறுவங்கள் தங்கள் பொருள் செயல் முறையை பற்றி விளக்கி இருப்பார்கள் அதை கொஞ்சம் மாற்றி மானே தேனே பொன்மானே என்று அவர்கள் கேட்க்கும் மொழில் மொழி பெயர்க்க வேண்டும் பெரும்பாலும் ஆங்கிலம் தான் கேட்ப்பார்கள் ..அதற்க்கு ஒரு A 4 பக்கத்திற்கு குறைந்தது 1000ம் கிடைக்கும் இன்றய நிலவர படி

PTFC - paid content wrighting

அவர்கள் தரும் PD F  பயிலை word word file ஆக மாற்றுவது ..அவர்கள் தரும் format யை அவர்கள் கேட்பது போன்று மாற்றுவது அவ்வளவுதான்

PTSC - Paid to social media comment

நிறுவனங்களின் முகநூல் மற்றும் அவர்களின் இணையதளங்களின் பதிவுகளை படித்து comment போட்டால்

போதும் ..அதன் தவறுகளை சுட்டி காட்டினாலும் சரி பாராட்டினாலும் சரி payment உண்டு

PTT - Paid to transaction

அவர்கள் தரும் பதிவுகளை அவர்கள் கேட்கின்ற மொழிக்கு ஏற்றவாறு transaction செய்வது .இதில் பல மொழிகள் அடக்கம்

சாதாரண கம்ப்யூட்டர் ஆப்ரேட் தெரிந்தவர்கள் முதல் கம்ப்யூட்டர் நன்கு தெரிந்தவர்கள் வரை ஆன்லைனில்

வேலை கொட்டி கிடக்கிறது

முகவரி : IQ online jobs

2/78,pachaiamman kovil street

nesavalar nagar, anna road,jalladiyan pettai,

medavakkam,chennai 108, Cell : 8190891983

Read More

டின்களில் பழரசம், ஜாம் பதபடுத்தல் தொழில்,

தொ ழில் தொடங்க ஆசைப்படுபவர் களுக்கு வாய்ப்பு தரும் வளமான நிலமாக இருக்கிறது கோவை, வேளாண் பல்கலைக்கழகம்.

வேளாண் பல்கலைக்கழகம் தந்தாலும் இது விவசாயத் தொழில் வாய்ப்பு இல்லை... உணவுப் பொருள் சார்ந்த தொழிலைத்தான் ஊக்குவிக்கிறது பல்கலைக் கழகம். கனடா நாட்டின் சர்வதேச மேம்பாட்டு முகமை உதவி யுடன் நடத்தப்படும் இந்தத் திட்டம் பற்றிப் பேசினார், அதைச் செயல்படுத்தும் தொழில் நுட்ப மையத்தின் தலைவராக இருக்கும் பேராசிரியர் தங்கவேல்.

‘‘குறைந்த மூலதனத்தில் சுயமாகத் தொழில்செய்ய விருப்பம் உள்ளவர் களுக்கு பயிற்சி கொடுத்து அவர்களை முன்னேற்றும் திட்டம் இது!

இந்தப் பயிற்சித் திட்டதில் சேர, வயது வரம்பு, கல்வித்தகுதி எதுவும் தேவையில்லை. தொழில் செய்வதற்கான குறைந்தபட்ச முதலீடு, உழைப்பதற்கான உற்சாகம், முயற்சி போதும்!

இங்கு அளிக்கப்படும் பயிற்சிகள், பாட்டில் மற்றும் டின்களில் பழரசம், ஜாம் போன்ற உணவுப் பொருட்களை பதப்படுத்தி அடைத்து அனுப்புவது எப்படி? என்பதுதான்!

பேக்கரி மற்றும் கன்ஃபெக்ஷனரி தயாரிப்புகள், மசாலா பொடி போன்ற சமையல் பொருட்களையும் தயாரிக்க பயிற்சி அளிப்பதோடு அவற்றை மார்க்கெட்டிங் செய்வது தொடர் பான ஆலோசனைகளும் வழங்கு கிறோம்’’ என்றார் தங்கவேல்.

ஒரு மாத பயிற்சி, 10,000 ரூபாய் கட்டணம் என்பதாக இருக்கிறது இந்தப் பயிற்சிமுறை! பயிற்சி முடிந்தபின் வழங்கப்படும் சான்றிதழை வைத்து வங்கிக் கடன் பெற்று சுயமாகத் தொழில் தொடங்கலாம்.

‘‘பெரிய இயந்திரங்களை நிறுவித்தான் தொழிற்சாலையை ஆரம்பிக்க வேண்டும் என்பதில்லை. எங்கள் மையத்தில் உறுப்பினர் களாகச் சேர்ந்து, குறிப்பிட்ட கட்டணத்தைச் செலுத்திவிட்டு எங்களிடம் உள்ள பதப்படுத்து தலுக்குத் தேவையான இயந்திரங் களைப் பயன்படுத்திக் கொள்ளலாம்.

சுயமாக இதுபோன்ற தொழில் கூடத்தை உருவாக்கவும் ஆலோசனை கள் வழங்குகிறோம். இளைஞர்கள், பெண்கள் மற்றும் சுய உதவிக் குழுக்கள் இதன்மூலம் பயன்பெறு கிறார்கள்’’ என்றார்.

மாதம் தோறும் இருபது நபர்களுக்கு இந்த மையத்தின் மூலம் பயிற்சியளிக்கப்படுகிறது. இரண்டு நாட்கள், ஒரு வாரம், ஒரு மாதம் என்று பிரிவுகளாக நடத்தப்படுகிறது. சுய உதவிக் குழுக்கள் மற்றும் தன்னார்வ நிறுவனங்களுக்கு பயிற்சிக் கட்டணம் இல்லை. இந்தப் பயிற்சித் திட்டத்தில் சேர்ந்து பயன்பெற பெண்கள் அதிகம் ஆர்வம் காட்டுகிறார்கள்.

ஆர்வமுள்ளவர்களை அழைக்கிறது பல்கலைக் கழகம்!

Read More

பங்கு வர்த்தகம்: ஆஃப்லைன், ஆன்லைன்

பங்கு வர்த்தகம்: ஆஃப்லைன், ஆன்லைன்

பங்கு வர்த்தகத்துல ஆஃப்லைன், ஆன்லைன் அப்படின்னு ரெண்டு வசதி இருக்கு. 

ஆஃப்லைன்ங்குறது புரோக்கர்கிட்ட நேர்லயோ, போன் மூலமாவோ ஷேர் வாங்கச் சொல்றது.

ஆன்லைன்ங்குறது, புரோக்கிங் கம்பெனி, நமக்குன்னு கொடுத்திருக்குற யூசர் ஐ.டி. பாஸ்வேர்டைப் பயன்படுத்தி, இன்டர்நெட் மூலமா நேரடியா பங்கு வர்த்தகம் பண்றது. பங்குச் சந்தையோட நெளிவு, சுளிவு தெரியாம, ஆன்லைன் ஷேர் டிரேடிங்கில்  இறங்குறது அவ்வளவா நல்லதில்லை. 

இந்த ஆன்லைன் டிரேடிங் செய்யறதுக்கான அக்கவுன்டை பேங்க்ல ஆரம்பிச்சா, அது த்ரீ -இன் -ஒன் அக்கவுன்டா இருக்கும். அதாவது பேங்க் அக்கவுன்ட், டீமேட் அக்கவுன்ட், டிரேடிங் அக்கவுன்ட் மூணும் ஒரே இடத்துல கிடைக்கும். பங்குகளை வாங்கும்போதும் விற்கும்போதும், அதுக்கான பணப் பரிமாற்றம், நம்ம-ளோட பேங்க் கணக்குல கம்ப்யூட்டர் மூலமா தானா நடக்கும்.

இதே ஆன்லைன் அக்கவுன்டை ஷேர் புரோக்கிங் ஆபீஸ்ல ஆரம்பிச்சா, பேங்க் அக்கவுன்ட் தனியாவும், டீமேட் மற்றும் ஆன்லைன் டிரேடிங் கணக்கு தனியாவும் இருக்கும். ஆன்லைன் டிரேடிங் செய்ய இன்டர்நெட் கனக்ஷனோட இருக்கிற கம்ப்யூட்டர் அவசியம். அதுக்காக பிரவுசிங் சென்டர்ல போயி ஆன்லைன் டிரேடிங் செய்யக்கூடாது. ஏன்னா அது அவ்வளவு பாதுகாப்பானது இல்லை.

இப்போ பங்குகளை வாங்குற அளவுக்குத் தயாராகிட்டீங்களா..? அதாவது உபரியா இருக்கற சேமிப்பு பணத்தைத்தான் பங்குச் சந்தையில் போடுறதுனு முடிவு பண்ணி-யிருக்கீங்க... அதுக்கான டீமேட் கணக்கு, டிரேடிங் கணக்கு எல்லாம் ரெடியாகிடுச்சு... அப்படித்தானே..! 

Read More

துடைப்பம் தயாரித்தல்

பார்த்தால் சின்ன துடைப்பம்தான்... ஆனால், அதற்குப் பின்னால் கொட்டிக்கிடக்கும் வருமானத்தைப் பார்க்கும்போது வியப்பாக இருக்கிறது.

‘‘நம் மாநிலத்தில் தென்னைமரம் இல்லாத ஊர் கிடையாது. அதனால், இந்த தென்னந்துடைப்பம் தொழிலுக்கு எந்தப் பிரச்னையும் இருக்கப் போவதில்லை. சிறிய அளவில் தொழில் தொடங்க நினைப்பவர்கள் தாராளமாக இந்தத் தொழிலில் இறங்கலாம்’’ என்று நம்பிக்கை கொடுக்கிறார் கிருஷ்ணகிரி மாவட்டம், காவேரிப்பட்டணம் பகுதியைச் சேர்ந்த பைசுல் ஹுசைன்.

இந்த சுற்றுவட்டாரத்தில் மட்டும் 10 துடைப்பம் மண்டிகள் இருக்கின்றன. இங்கு தயாராகும் தென்னந்துடைப் பங்கள் வட மாநிலங்களில் ஏக பிரசித்தம்.

40 ஆயிரம் ரூபாய் முதலீடு செய்தால் போதும், குறைந்தபட்சம் மாதம் 10 ஆயிரம் ரூபாய் வருமானம் பார்க்கலாம். மழைக் காலம் தொழில் நடத்த ஏதுவாக இருக்காது.

இந்தத் தொழிலின் தன்மை பற்றி விவரித்தார் பைசுல்ஹுசைன். ‘‘வீடு, தோப்புகளில் கிடைக்கும் தென்னங்கீற்றுகளில் இருந்து கிழித்து எடுக்கப்பட்ட குச்சிகளைச் சேர்த்துக்கட்டி, துடைப்பமாக்கி வைப்பார்கள். அதை இரண்டு அல்லது மூன்று ரூபாய் கொடுத்து வாங்கி மொத்த வியாபாரிகளுக்குக் கொடுத்து லாபம் பார்க்கும் சிறு தொழிலாளிகளும் இருக்கிறார்கள்.

சுமார் அரைக்கிலோ எடை நிற்கும் துடைப்பத்தை வாங்கி வந்து மொத்த வியாபாரியிடம் கொடுக்கும்போது அவர்கள் எடைபோட்டுத்தான் எடுக்கிறார்கள். ஒரு கிலோவுக்கு குறைந்தபட்சம் எட்டு ரூபாய் கிடைக்கிறது. ஆக, ஒரு துடைப்பத்துக்கு லாபமே இரண்டு ரூபாய்க்குக் குறையாமல் கிடைக்கும். ஒரு நாளில் 200 துடைப்பங்களைக்கூட சேகரிக்கிறார்கள். அவர்களுடைய தினசரி வருமானம் 300 முதல் 400 ரூபாயாக இருக்கிறது. செலவுகள் எல்லாம் போக லாபமாக குறைந்தபட்சம் 250 ரூபாய் சம்பாதிக்கிறார்கள்’’ என்றார்.

இந்தத் தொழிலில் இன்னொரு தரப்பு, மொத்த வியாபாரிகள்... இவர்கள் சேகரிக்கும் துடைப்பங்களைத் தரம் பிரித்து, ஐம்பது ஐம்பதாக பிளாஸ்டிக் பைகளில் பேக் செய்து ஃபார்வேர்டிங் ஏஜென்ட்கள் மூலமாக வெளிமாநிலங்களுக்கு அனுப்பி வைக்கிறார்கள்.

ஒரு பண்டலின் விலை 300 முதல் 800 ரூபாய் வரையில் தரத்துக்கு ஏற்ப அமைகிறது. ஃபார்வேர்டிங் ஏஜென்ட்களுக்கு 3% கமிஷன் கொடுத்தாலும் மொத்த வியாபாரிகளுக்கு நல்ல லாபம் கிடைக்கிறது.

இதில் துடைப்பங்களை அடுக்கி வைப்பதற்கு இடம், அதை தரம்வாரியாக பிரித்து சுத்தம் செய்வதற்கு வேலையாட்கள் என்கிற அளவில் சிறு முதலீடு செய்ய வேண்டியிருக்கும்’’ என்றார்.

மார்ச், ஏப்ரல், மே மாதங்களில் துடைப்பங்களுக்கான சீசன் உச்சத்தில் இருக்கும். மழைக்காலம் தவிர்த்த மற்ற மாதங்களிலும் நிரந்தர வருமானம் கிடைக்கக்கூடிய தொழில் இது.

அதோடு, சராசரியாக 100 பேருக்கு வேலை வாய்ப்பும் வழங்கக்கூடிய தொழிலாக இருக்கிறது.

சுத்தமாக இருக்கப் பயன்படுத்தும் துடைப்பங்கள் நமக்குச் சோறு போடும் என்பது இந்தத் தொழிலுக்கு நிச்சயம் பொருந்தும்!
நன்றி : பைசூல் ஹுசைன் 

Read More

அலங்காரப் பொருட்கள் தயாரிப்பு

அலங்காரப் பொருட்கள் தயாரிப்பு

கோடி ரூபாய் போட்டு வீடு கட்டினாலும் அதற்குக் கூடுதல் அழகு சேர்ப்பது சில நூறு ரூபாய் மதிப்புள்ள அலங்காரப் பொருட்கள்தான். தற்போது, அநேகமாக எல்லோர் வீட்டின் வரவேற்பறையிலும் தனி இடத்தைப் பிடித்து ஒரு தவிர்க்க முடியாத பொருளாகிவிட்ட அலங்காரப் பொருட்களைத் தயாரிப்பது அட்டகாசமான வருமானத் தொழிலாக இருக்கிறது. இதற்கு முதலீடு என்று பெரிதாக ஏதும் தேவைப்படாது.
ஆயிரம் ரூபாய்க்கும் குறைவான முதலீடு இருந்தாலே போதும், யார் வேண்டுமானாலும் இதில் இறங்கி காசு பார்க்கலாம். அலங்காரப் பொருட்கள் தயாரிக்க தனித்திறமை வேண்டுமே என்று மலைக்கவேண்டாம். கொஞ்சம் ரசனை மட்டும் இருந்தாலே போதும். இந்தப் பொருட்களைத் தயாரிப்பதற்கு தனியே இடம் பிடிக்கத் தேவையில்லை. வீட்டின் ஒரு பகுதியிலேயே இதைச் செய்யமுடியும் என்பதால் பெண்களுக்கு ஏற்ற வாய்ப்பாகவும் இருக்கிறது.

குடும்பத்திலுள்ள பெண்கள் தயாரித்துத் தரும் பொருட்களை, ஆண்கள் விற்பனை செய்து லாபமீட்ட முடியும். மக்களின் ரசனையை அறிந்து அதற்குத் தகுந்தாற் போல் தயாரித்துக் கொடுத்தாலே போதும், காசு வீடுதேடி வரும்.

இதற்குத் தேவையான பொருட்கள்... வெல்வெட், சாட்டின், ஆர்கண்டி போன்ற துணிகள், விதவிதமான குண்டுமணிகள், காய்ந்த புற்கள் (டிரை கிராஸ்), பேப்பர்(துணி, பிளாஸ்டிக்) பூக்கள், நூல்கண்டு, கத்தரிக்கோல், ஃபெவிக்கால் - இவ்வளவுதான். இந்தப் பொருட்கள் நகரங்களிலுள்ள கிராஃப்ட் ஸ்டோர்களில் கிடைக்கும். இவற்றைக்கொண்டு நம் கற்பனைக் கேற்ற விதவிதமான வடிவங்களில் பூக்களை தயார் செய்யலாம். கூடை அல்லது தென்னம்பாளையின் அடிப்பகுதியில், டிரை கிராஸ்களை வைத்து ஃபெவிக்கால் கொண்டு ஒட்டவேண்டும். அதனிடையே பூக்களை ஒட்ட வேண்டும். இவை மற்றவர்களைக் கவரக் கூடியதாகவும், அழகிய வண்ணங்களில் பார்ப்பதற்கு இயற்கையானது போலவும் இருக்க வேண்டும். தென்னம்பாளையை அடிப்பகுதியாகக் கொண்டு, அதன் மேல் பூக்களை அழகாக அடுக்கித் தயாரிக்கப்படும் பொக்கேதான் லேட்டஸ்ட் வெரைட்டி. இதைத்தவிர, சிறுசிறு கூடைகள் தயாரித்து அதில் பூக்களை வைத்தும் அழகுபடுத்தலாம். மேலும், அழகிய சிறு சிறு கிஃப்ட் பாக்ஸ்களுக்கும் நல்ல வரவேற்பு இருக்கிறது.

அலங்கார பொருட்கள் தயாரிப்பு பயிற்சிக்கு 

அழைக்கவும் .

வனஜா :9788328368

CD,BOOK மற்றும் மூல பொருட்கள் கிடைக்கும் 

சணல் கயிறுகளை வைத்து வால் ஹேங்கர், பேப்பர் ஹேங்கர், பேனா - பென்சில்களை வைத்துக் கொள்ள ஹோல்டர் என புதுபுதுப் பொருட்களைத் தயார் செய்யலாம். இவற்றை தவிர, சணல் ஷீட்களில் எம்ப்ராய்டரி போட்டு அழகிய கால் மிதிகளாகவும் செய்யலாம். இவற்றுக்கும் இன்றைய மார்க்கெட்டில் நல்ல வரவேற்பு இருக்கிறது.

கம்ப்யூட்டர் சி.டி-க்கள் வீணானவை கிடைத்தால், அதில் விதவிதமான மணிகளை ஒட்டி டிஸைன் செய்து, நடுவில் கடவுள் படங்களை இணைத்து புது வித அலங்காரப் பொருட் களை உருவாக்கலாம். இப்போது புதிய சி.டி-க்களே ஐந்து ரூபாய்க்குக் கிடைக்கிறது. அதையும் பயன்படுத்தலாம். மெழுகுவத்தியை உருக்கி, டையின் உதவி யுடன் கலர்ஃபுல்லான பூஞ்செடிகளைத் தயாரித்து, அதில் அழகான பிளாஸ்டிக் அல்லது துணிப் பூங்கொத்துகளை இணைத்துத் தரலாம்.

ஒரு பொருளை எவ்வளவு அழகோடு தயாரிக்கிறோமோ அந்த அளவுக்கு விலை நிர்ணயம் செய்யலாம். இப்படித் தயாரிக்கும் பொருட்களை அதன் அளவு, கலைநுட்பத்தைப் பொறுத்து, 10 ரூபாயிலிருந்து 1,000 ரூபாய் வரைகூட விற்பனை செய்யமுடியும். உங்களது தயாரிப்புகளின் மாதிரிகளை புகைப்பட ஆல்பமாக்கிக் காட்டி, ஆர்டர் பிடித்தும் செய்து கொடுக்கலாம். வீட்டை அலங்கரிக்க மட்டுமல்லாமல், ஏதாவது விழாக்கள் நடந்தால் அதில் கலந்துகொள்ளும் பிரபலங்களுக்கு நினைவுப் பரிசாக அலங்காரப் பொருட்களைக் கொடுப்பதும் தற்போது ஃபேஷனாகி இருக்கிறது என்பதால் இதன் விற்பனை வாய்ப்பு அதிகமாகவே இருக்கிறது.

ஒரு நாளைக்கு குறைந்தது பத்திலிருந்து இருபது அலங்கார பொக்கேக்கள் தயாரிக்கமுடியும். ஐந்து பொக்கே விற்றால்கூட, ஒரு நாளைக்கு 300-500 ரூபாய் வருமானம் கிடைக்கும்.

இதற்கு செலவு என்று பார்த்தால் கொஞ்சம்தான். அழகு படுத்துவதில்தான் விஷயம் இருக்கிறது. சின்னச் சின்ன பொம்மைகளை செய்து அவற்றை இணைத்தும் அசத்தலாம். கற்றுக்கொள்வதற்கு ஆர்வம் மட்டும் இருந்தால் போதும், எளிதில் பணம் பார்க்கமுடியும். மாதம் குறைந்தது 5 ஆயிரம் முதல் 10 ஆயிரம் ரூபாய் வரை வருமானம் பார்க்கலாம்.

அலங்காரப் பொருட்களை எப்படி, எங்கே கொடுத்து விற்பது என்கிறார்களா? உங்கள் ஊரிலுள்ள ஃபேன்ஸி ஸ்டோர்கள், டிபார்ட்மென்ட் ஸ்டோர்கள், கலை அலங்காரப் பொருள் விற்பனை நிலையங்களில் கொடுக்கலாம். கிஃப்ட் சென்டர்கள் மூலமும் விற்கமுடியும்.

உங்கள் வீட்டுக்கு அருகில் இருக்கும் நிறுவனங்களுக்கு நேரடியாகச் சென்றும், அவர்களுக்குத் தேவையான மாடல் களைக் காட்டியும் ஆர்டர் பிடிக்கலாம். அபார்ட்மென்ட்கள் நிறைந்த ஏரியாக்களுக்குச் சென்றால் ஒரேநேரத்தில் நிறைய ஆர்டர்கள் கிடைக்க வாய்ப்பிருக்கிறது. நல்ல தொடர்புகளும் சரியான வாய்ப்பும் இருந்தால், வெளிநாடுகளுக்குக்கூட ஏற்றுமதி செய்யமுடியும்.

தயாரிப்புப் பொருட்கள் தரமானதாகவும், அழகாகவும் இருந்தால்தான் அடுத்தடுத்து ஆர்டர்கள் வரும். கை நிறையப் பணமும் கிடைக்கும் என்பதை மறந்துவிடக்கூடாது. ஒவ்வொரு தயாரிப்பிலுமே தரம்தான் தாரக மந்திரமாக இருக்கவேண்டும். அப்போதுதான், ஏற்கெனவே வாங்கியவர்கள் புதிய ஆர்டர் தர நம்மைத் தேடுவார்கள்.

நம் தயாரிப்பின் பெயர், நம் தொலைபேசி எண் கொண்ட சிறு ஸ்டிக்கரை ஒவ்வொரு தயாரிப்பிலும் ஒட்டி அனுப்புவது நம் தயாரிப்புகளுக்குப் பெருமை சேர்த்து, ஆர்டர் தேடிவர வைக்கும்.

என்ன, இறங்கிடலாம்தானே!

அலங்கார பொருட்கள் தயாரிப்பு பயிற்சிக்கு 

அழைக்கவும் .

வனஜா :9788328368

CD,BOOK மற்றும் மூல பொருட்கள் கிடைக்கும் 

Read More

பெட் பாட்டில் தயாரிப்பு

பெட் பாட்டில் தயாரிப்பு முறை

கண்ணாடி பாட்டில்களுக்கு மாற்றாக வந்திருப்பவைதான் பெட் பாட்டில்கள். கண்ணாடி பாட்டில்களைவிடக் கூடுதல் பாதுகாப்பும், காற்றழுத்தத்தைத் தாங்கக்கூடிய தன்மையும் கொண்டவை இந்த பெட் பாட்டில்கள். ஒரு முறை பயன்படுத்திவிட்டு தூக்கி எறிந்துவிடலாம் அல்லது இந்தப் பாட்டில்களை மறுசுழற்சி செய்யலாம் என்பதால் பெட் பாட்டில் தயாரிக்கும் தொழிலுக்கு நிறைய வரவேற்பு!

மருந்து மற்றும் எண்ணெய், சுத்திகரிக்கப்பட்ட குடிநீர் போன்றவை அடைத்து விற்பதற்கும், ஊறுகாய், பினாயில் போன்றவை அடைப்பதற்கும் ஏற்ற சின்னச் சின்னப் பாட்டில்கள் விற்பனைக்கான வாய்ப்புகளாக உள்ளன. எந்தப் பகுதியிலும் இந்தத் தொழிலை தொடங்கலாம் என்பது இதிலிருக்கும் கூடுதல் சிறப்பு.

பெட் என்பது கிரானுவல் டைப்பில் வரும். இதை இன்ஜெக்ஷன் மோல்டிங் என்கிற முறையில் பிரீஃபார்ம் (Preform)  என்கிற சிறிய பாட்டில்களாகத்  தயாரிப்பார்கள். இது சிறிய காற்று அடைக்கப்பட்ட பலூன்போல இருக்கும். இதுதான் பெட் பாட்டில் தயாரிப்பின் மூலப்பொருள்.

பெட் பாட்டில் தயாரிக்க அந்த இயந்திரங்களில் பொருத்துவதற்குத் தேவையான அளவு அச்சுக்களை இணைக்க வேண்டும். இந்த இயந்திரத்துடன் காற்று அழுத்தம் உள்ள கம்ப்ரஸர் இணைப்பு வேண்டும். இந்த பிரீஃபார்ம் பாட்டில்களை இயந்திரத்தில் பொருத்தி அழுத்தமான வெப்பக் காற்றை உட்செலுத்தினால்,  சிறிய பாட்டில் போன்ற வடிவம் விரிவடைந்து, நாம் பொருத்தி உள்ள அச்சின் வடிவம் பெற்று பாட்டில்களாக மாறும். அவற்றை வெளியே எடுத்து குளிர்வித்து, அதற்கான மூடியை இணைத்து விற்பனைக்கு அனுப்பலாம்!

பொதுவாக, பெட் பாட்டிலுக்கான பிரீஃபார்ம் விற்பனை செய்பவர்களே பெட் பாட்டில் மூடியையும் தயாரித்துத் தருவார்கள். நாம் மூடியுடனோ அல்லது மூடியில்லாமலோ விற்பனை செய்யலாம்.

திட்ட அறிக்கை! (ரூ.)

பெட் பாட்டில் தயாரிக்கும் ஓர் இயந்திரத்தை வாங்க ரூ.5 லட்சம் ஆகும். நாம் இரண்டு இயந்திரங்கள் வாங்கலாம்.  ஒரு மணி நேரத்தில் 1,200 பாட்டில்கள் வரை உற்பத்தி செய்ய முடியும். இதற்கான கம்ப்ரஸர் இயந்திரம் ரூ.6 லட்சம் ஆகும்.

கட்டடம்: வாடகை (அ) சொந்தமாக

இரண்டு இயந்திரங்கள் : 10 லட்சம்

கம்ப்ரஸர் இயந்திரம் : 6 லட்சம்

மின்சாரம் : 1 லட்சம்

நடைமுறை மூலதனம் : 6 லட்சம்

Read More